貓仔減肥記の尋回鎖骨的日子

(用EVA使徒來襲音樂)

係2015年年頭，發生左一件恐怖的事，

就係啲衫緊左，甚至唔啱著。

就知道肥左好多，點解呢？

因為貓仔啲衫成日買大一個碼，

如果咁都覺得緊，即係肥左2個碼喇，

唔明，即係原本著細碼，買中碼，

而中碼都緊的話，即係已經邁向大碼，

所以呢，計算後，就知道肥左2個碼喇。

而係2014年結婚後，因為與奶奶同住，

用唔到廚房煮飯，幾乎每2日便重複的餸，

一星期內1、2日才有菜食，咁樣的飲食習慣，

加上多油多鹽，多次爭取不果，真係叫苦連天。

(用EVA大提琴音樂)

直至，2016年2月14日，

情人節買左個脂肪磅俾自己做情人節禮物。

貓仔大人話資助貓仔，開開心心渡過了情人節，

回去後，立即上磅，不得了，去片。。。

終於，

2016年2月19日，

做了一個重大決定，

今次貓仔已經做好心理準備，

本住離婚的決心，

加上機緣巧合地認識一位中醫師，

煲晒中藥，由呢日開始自己的三餐自己煮，

每餐都要有菜，如果阻止貓仔就離婚。

不是誇張，全世界都知，尤其是亞洲區，

同人阿媽爭仔，通常只有一個命運，

仲要一齊住，大家明架啦。

只可以怨自己無能力搬出去。