貓仔減肥記の尋回鎖骨的日子

貓仔減肥記の星期五美食團

初次見面，大家好♡

星期五美食團成式公開跟大家見面喇(>﹏<)

是咁的，係4月尾某天，同事肥嘟嘟狗去左食只係睇相都覺得好好味的魚生飯，係門口同同事A傾計分享中，剛剛貓仔路過，睇埋一份，跟著秘書姐姐經過，又睇埋一份，你一句我一句，要求同事肥嘟嘟狗帶路拉大隊去食，但因為幾貴，貓仔無錢食，貓仔其實係負資產的月光族，所以貓仔提議等到出糧日去食，跟住就定左5月6日喇，同事肥嘟嘟狗話「吓！咁快就組左團架喇？」

之後，貓仔好為食地提議「不如逢星期五都去搵好味的嘢食」，但係諗諗下咁樣食會好窮，「不如每個月月頭出糧的星期五去食好嘢，可以著波鞋牛仔褲，咁行遠些都無問題啦。」同事A兩眼發光話「好呀！」，有人讚成，得左，就係咁，4隻為食貓柴娃娃地，星期五美食團正式成立。

以下係星期五美食團的宗旨

1。發掘好味的餐廳，以試新嘢為目標，亦係最重要的宗旨，請多啲提議(¬_¬)ﾉ

2。不重覆食同一間餐廳，一樣好重要，覺得好味又經濟的話，平時可以再去(^_-)

3。HK$150內，平貴都食(^ω^)

4。宗旨及原因之一，返工都係想搵錢，咁辛苦，出糧日要食好啲，所以決定左每個月月頭的星期五食飯，點解？因為出糧一定有錢囉，仲可以著波鞋牛仔褲，行遠啲都無問題，唔啱食的話，可以提議想食的店，夠吸引就得喇 XD

5。不理會遠近，行路20分鐘內，唔駛坐車( ´▽` )ﾉ

Facebook Fan Page還在製作中，敬請期待(>﹏<)♡