貓仔減肥記の豆腐貓咪發呆日記 2016-09-23

 

好耐都未試過連續2日發埋晒啲怪夢,應該分類到惡夢才對,發夢發到有印象,對上一次係要以年做計算單位,都忘了幾時。

 
今次夢見甩牙,其實以前都夢見過,但係係完整咁甩左,但今次係粉碎。
 
應該係係筲箕灣走,行到去西灣河,想坐地鐵,因為係熟悉的地方,所以好有自信地行,見到升降機又想坐,但行到過去又走左,於是行樓梯,行到第二層,有個人定阿婆(?)按,落到去就轉左畫面。
 
係筲箕灣工聯會附近上一條街,有嘢食,咁上去搵嘢食啦,有一間有人係門口排隊,我望入去唔見人就走左,跟住收到whatsapp,話「我係入面食緊」,其實我唔係好想同佢一齊食飯,正想行想去之際,門牙位置鬆鬆地,用條脷頂下佢,點知上半隻牙移了一半出來,之後再用條脷模下另外半隻牙,點知碎左,立即吐出來用半張紙巾盛起,全都係黑色,係全部碎晒,同埋隻牙係臼齒,再用條脷頂下牙床位置,好平滑,無流過一滴血,雖然好唔開心,但又扮冇嘢係條街繼續行上去搵佢。
 
行行下,有人同貓仔講甩左隻牙要影過身份證,好愕然啦。。。
 
鬧鐘響,鬧鐘,你應該要早啲響丫麻( ̄ .  ̄) 又或者個夢係就快到6點時才發,咁就唔駛發惡夢Orz
, , , , , , , , , , ,
創作者介紹

貓仔減肥記の尋回鎖骨的日子

nekojackie2016 發表在 痞客邦 PIXNET 留言(0) 人氣()