貓仔減肥記の尋回鎖骨的日子

🌸 🌸 🌸 🌸 🌸 🌸 🌸 🌸 🌸 🌸

題外話

奶奶整左薯仔沙律，係咁問我食唔食，其實我好想食，但減肥期間無理由係咁食，況且昨天去左長洲又飲又食(但未到喪的級數，我有幾食得就係朋友都知)，咁我就係咁話「留返明天做早餐」，跟住9點幾，老公話肚餓，想食左個沙律，結果忍口失敗食左半碗，點知⊙_⊙奶奶又有嘢講喇，「其實妳駛乜跟咩營養師丫，只要忍口唔好食咁多未得囉。。。」下刪一千字，我係咁回「但係無菜食囉」幾次，之後都費事再回佢，妳煮的嘢咁肥膩同咸，就算唔食多都一樣吸收過多的油和鹽，仲要食唔飽，夜媽媽再搵嘢食未仲肥，仲有，我以前無論點喪食2年內都肥唔到15磅又點解釋？現在跟返自己以往的飲食習慣之後瘦返15磅又點解釋？咁當然有營養師幫手計卡路里啦，但係，無論妳再講幾多都係無用，總之瘦得返就係事實，唔好講到營養師建議的同妳煮的嘢係一樣咁，仲好意思講呢啲，真係好想問妳攞返跟營養師的費用就真。(其實，我唔係想數妳，但呢3個月期間，奶奶間中就走過來講2句叫我食返妳煮的嘢，同老公傾訴又無用時，頂唔順，我一定要寫寫寫。。。老公，我有地方寫寫寫就唔會同你傾㗎喇📣📣📣如果唔係你同我都會傻㗎😆😆講真奶奶煮的嘢食有一半以上都好好味，其實我都鍾意食，等我瘦返之後，好似以前咁，間中食下囉。奉勸所有女人做左奶奶又好，外母又好，乜都好啦，都係唔好咁霸道好，好黑人憎。)

其實，我都諗左好耐，到底點解2年內肥到15磅，其中一個原因可能係唔可以用廚房煮嘢食， 變左一定食妳煮的嘢，無乜菜，煎炒食物，用味精包煮嘢食，再唔係炆嘢，有時候妳唔想煮就煮罐頭湯，又嫌我煮得淡唔俾我煮，同出街食都係一樣咁唔健康，不如食出街食，起碼可以食鍾意食的嘢。😧😧

減肥的路，是最寂寞，最是痛苦。。。😧😧